بدور على سبب عشان اطلق مراتي و أتخلص منها

السلام عليكم ورحمة الله وبركاته
انا حاليا بدور على سبب عشان اطلق مراتي و أتخلص منها . انا متجوز بقالي سبع شهور و انا كنت فاكر هبقى سعيد بالجواز و كدة و كنت مقتنع بيها اوي و مرتاح ليها بس في بداية اول 3 شهور جواز كنت تعيس جدا بسبب انها مش متقبلاني لدرجة اني ملمستهاش غير ٤ مرات بس تقريبا و ده بسبب برودها و انا فعلا اتأكدت انها اتجوزتني غصب عنها بسبب اهلها .. انا الحقيقة مفكرتش ان هي كانت بتحب حد قبلي او مش متقبلاني في العموم .. هي الصراحة معاملتها معايا متفيرة عن الأول بشوية او بمعنى اصح هي بتحاول تتعامل مع الأمر الواقع اللي هي فيه . بس انا واجهتها و هي مأنكرتش و قالتلي انها بتحاول تحبني و بترتاح اكتر يوم عن اللي قبلة .. انا صدقتها بس للأسف مش قادر اتقبل كلامها نهائي و بقيت محبط اوي منها و قافل منها و دماغي بتودي و تجيب و اقول ان هي برضو ممكن متتقبلنيش بعد كده و يحصل حاجات انا في غنى عنها انا مكنتش عايز انها تموت في دباديبي و تعشقني من اول يوم بس على الاقل يكون يعندها القبول و الراحة ..و انا حاليا جايلي فرصة شغل كويسة في الخارج و انا مهندس و كنت ناوي اخدها معايا بس بعد ما عرفت انها اتجوزتني غصب و انها بتحاول تحبني قولت بلاش آخدها معايا و اطلقها هنا احسن بدل ما نظلم بعض ع الفاضي و انا اتحمست للسفر و حياتي اللي هبدأها من جديد و كدة كدة احنا لساا ع البر من غير عيال .. هي دلوقتي مش عارفه اني ناوي اطلقها .. بس لاسف معنديش الشجاعة اني اخد الخطوة دي بسبب اهلي و اهلها ممكن تعمل صدمة ليهم و انا للأسف مش متعود على المشاكل و ياريت تنصحوني أزاي أتخلص من الموضوع ده .. انا حتى بفكر لما اسفر اطلقها غيابي بس ده كده غدر و انا مش عايز اعمل كده