هل أطلق زوجتي لانها دافعت عن حقها ؟
انا بين المطرقة و السندان بإختصار انا متجوز من ٣ سنين و مغترب مع مراتي و بقالنا سنتين منزلناش مصر بقي اخر اجازة أمي قالتلي اختك ظروفها صعبة و جوزها مش قادر يدفع الإيجار دعها تقعد في شقتك كام شهر لحد ما يظبطوا ظروفهم و متقولش لمراتك عشان المشاكل انا اتكسفت أرفض وقد كان و الكام شهر بقوا سنتين و اختي لسه قاعدة في الشقة و انا مخبي على مراتي و انا شقتي تمليك مش بيت عيلة المهم مراتي قررت تنزل مصر تقعد كام شهر و كلمت اختي تمشي قالتلي مش هينفع دلوقتي خالص وهنا اضطريت اقول لمراتي كل حاجة وبهدلتني وشتمت اختي و جوزها ازاي ادخلهم بيتها و واحد غريب ينام علي فرشتها و في أوضتها حاولت أهديها مهديتش غير انى لازم امشي اختي و اختي مش عاوزة تمشي و قلتلها انزلي علي بيت اهلك رفضت و قالتلي انزل علي بيت اهلي ليه و انا عندي بيت المهم نزلت علي بيت أهلها و لما اختي رفضت تمشي راحت مراتي عملت تمكين و خدت قوة من القسم و طردت اختي و جوزها و عيالها و اتخانقوا خناقة كبيرة و شتموا بعض و فعلا اتمكنت من الشقة و قعدت فيها و امي مصرة اني لازم أطلقها و ابيع الشقة خاصا ان جوز اختي مهددها بالطلاق لان مراتي عملتله محضر بالتلفيات في الشقة و حاجات من جهازها اتكسرت و ضاعت و مراتي كلمتني قالتلى انزل علي بيتك و انا شارياك و بيتنا رجع لنا وانا مش عارف أعمل ايه أطلقها و لا ارجع
تعليقات الفيس بوك